يلا يا دنيا تعالى شوية
وادينى شوية حنية
القا اصحابى بضحكة
القا احبابى ببسمة
وانسى الحزن شوية شوية
يلا يا دنيا مديلى ايدك
خلى الفرح يعشش بيتك
خلى الخضرة تعمر غيطك
يمكن انسى الحزن شوية
والقا حبيبة تحن عليا
وتصحى الحب اللى فقلبى
وتصحى النار اللى فحبى
وتنسينى الحزن شوية
يلا يا دنيا لمى اصحابى
ويا احبابى وتنك جاية
هاتوا الفرحة معاكو وجولى
خلوا الحزن يسيبنى شوية
نفسى اطير فالسما عصفور
نفسى اعشش كل الدور
وادى الفرح الناس بالدور
والدنيا معايا بتدور
جايز انسى الهم شوية
يلا يا دنيا ويايا قومى
صحى الحب فكل الناس
صحى الخير ويا الاحساس
خلى الفرحة تكون مقياس
والحب يكون بنا اساس
ساعتها هنسى الحزن شوية
ولا تعالى ندوس بالقوة
على ايدين نسيت الاخلاص
لعبت حتى فقوت الناس
نسيت حتى اله الناس
واتملك منهم خناس
يمكن انسى الحزن شوية
اقولك ايه بس واقول
دنا جوايا بيزعق غول
مالقلب بيصرخ ويقول
امتى يا دنيا الظلم يزول
والعدل ميبقالو قفول
ساعتها هتنطط وهقول
العدل ياناس بقى دستور
دا بقى دستور دا بقى دستور
والحب بينا عمرو يطول
وساعتها هنسى حزنى على طول
ليست هناك تعليقات:
إرسال تعليق