كل حاجة وكل شىء
كل ليل سهرتو أفكر
كل يوم مشيتو أدور
كل أمرى كان بإيدى
كل فكرى كان وليدى
قولت انا شيخ الطريقة
قولت أناعندى الحقيقة
للأسف طلعت جاهل
جهلى كان أصل لعلومى
واللى يوم شجعونى
خدعونى
كل يوم حاجة جديدة
تبقى حزن
تكون سعيدة
مش مهم
المهم فكرة جديدة
المهم أتغير. غيرونى
كنت فكرة حد تانى
كنت نسخة ملخبطة
حبة كلام ويا حبة شخبطة
هما هناك بيخططوا
ازاى يخلو اللخبطة
ويا كل الشخبطة
تبقى قصيدة مظبطة
خلوا كل الفوضى خطة
فكرة أتباعها كتير
كل واحد زيي فاكر
انو فاهم انو عارف
ان فكرو وليد دماغو
يبقى جاهل
طلعت جوة جراب
وماسكنى حاوى
اطلع لما يعوزجنابو
واما يخلص دورى
يخبينى فجرابو
اصلى لعبة فايد جنابو
هيا دى كل الحقيقة
ليست هناك تعليقات:
إرسال تعليق