لا تصدق كل قائل 
ان بعض القول زيف
وامض للاحلام لكن
انفض عنك كل زيغ
اكثر ما تنظره باطل
لا تصدق كل شىء
يا فؤاد لا تماطل
ان اراد العقل شىء
ان هممت ان تحاول
قف وفكر مرتين
قديكن فى الفكر راحة
او يكن فى الامر شىء
قد تريح القلب عمرا
ان تفكر  لدقيقتين

كل الكلام اتقال 
ومنين اجيب تانى
يمشى الوجع رحال
ويعود لى من تانى
شلت الحمول جبال
تعبت اشيل تانى
وغزلت حبى اميال
وبقيت غريب تانى
عايش على دا الحال
طول عمرى وحدانى
شايل حمول رحال
ويقولو دا الجانى
ولا دمعى عمرو سال
ولا انكسر قلبى
مهما الليالى طوال
راح تشرقى يا شمسى

واحشنى كتير

واحشنى كتير
.
.
.
ممكن اقولك كلمة فقلبى
انتا واحشنى كتير
بس عزايا بعدك انى
اتعلمت منك كتير
كل كلامك بالنسبالى
افتكرو دايما بالخير
عمى صحيح بالنسبالى
بس اخويا الكبير
كل مشاعر الحب الحلوة
اتعلمتها منك يا كبير
كل دموع الدنيا ما تسوى
وجعى من  بعدك يا بشير

اشتقت لقلب مفقود
قد فارقنى منذ عقود
قلب لم يملك إلا
حبا يسع كل وجود
ونوايا الخير تغلفه
معطاء حب والجود
البسمة رسم للوجه
الضحك شعار لوجود
يبكيه الم بالغير
يتشارك حزن الموجود
ان يسعد يقفز كالطفل
ليصير العالم مسعود
اليوم سنين تاسره
انطفات ضحكة مولود
العقل اضحى يشمله
الضحكة ظل مفقود
اشتاق لدفأك يا قلب
اشتاق لبسمة مولود

اصرخ عبر قول واتغير
لو حبتنى اقول وياك 
مش هتاخر 
بس صحيح بعد ما تصرخ
راح تتغير
ولا الجنى برة القمقم 
حابب يظهر
اصلو يعينى حاسس انو
قزم صغير
لأ هتغير.
بتقول انك راح تتغير
ايدى فايدك
نفسى كتير وكتير
حاجات تتغير
نفسى اشوفنى بمشى فبلدى 
حلوة نضيفة
والتصنيع ماسكاه برضو
ناس حريفة
والزرعة متشربش مجارى
ميه نضيفة
نفسى مشوفش فيرس سى
قاتل ولدى
نفسى مرحش اخلص ورقى
بالمعلوم
عايز راتب يستر عرضى
ويكفينى
عايز اربى طالب علم
يطلع عالم
يطلع حابب طينة ارضو
فكرو يغير
نفسى ونفسى بس يا صحبى
بلدى عمرها ما هتتغير
لما انا وانتا كدا رافضين
اننا تتغير
فارضين ارادتنا بغباء
بالصوت العالى
تسعين مليون فكرة فبلدى 
علم مفيش
عايز تنجح كدا وتغير
من غير علم مش هتغير

انا وليلى مصاحبنى
يجينى الليل يعاتبنى
مفكرنى انا ناسى
انا منسيت ولا قاسى
وشوقى نيران تدوبنى
ونهر حنين بياخدنى
اقول الاه ما يسمعنى
احد غيرى يجاوبنى
ومهما الناس تقربنى
ومهما العمر غربنى
ييجينى الليل يفكرنى
ليالى زمان يااهلى
وصحبتى وناسى
ومهما بعدت انا راجع
واشواقى محوطانى
اخدوكوا جوا احضانى

قلبين وبعد وليل
قالت وقلت وعند
وحدة وسهد وشوق
نار البعاد الصمت
ضى القمر في الليل
كروان يشق الصمت
كلام كتير بنقول
قليل كلام معقول
الشاشة آسره عقول
صنعها راس الغول
عقول وساحبة عقول
قطيع إلي المجهول
وفى كلام معقول
ساكن ديار الصمت
منطقهم اللي يصول
منطق سليم للرفض
قلبين وصارو قلب
وجع البعاد الحب
شق العناد القلب
نزفت دماء عاشق
كلام يداوى الصمت

رص الكلام
فوق الكلام
خلى الآلام 
تحت هنا
وأيه كمان 
حبة ملام
جنبك هنا
ودا أيه كمان 
دفتر كلام
مليان غرام
مرمى هنا
من كام سنة
أفتح وشوف 
بين الحروف
قلبى هنا
سهران وحيد
مشتاق لعيد
وهنا حزين 
وهنا سعيد
طير فى سما
مالها حدود
كلام كلام
وخلص أوام
زى الغرام
رص الكلام 
جنب الكلام 
فوق الكلام

سيب الكلام
وقوم قوام

كنت فاكر إنى فاهم 
كل حاجة وكل شىء
كل ليل سهرتو أفكر
كل يوم مشيتو أدور
كل أمرى كان بإيدى
كل فكرى كان وليدى
قولت انا شيخ الطريقة
قولت أناعندى الحقيقة
للأسف طلعت جاهل
جهلى كان أصل لعلومى
واللى يوم شجعونى
خدعونى
كل يوم حاجة جديدة
تبقى حزن
تكون سعيدة
مش مهم
المهم فكرة جديدة
المهم أتغير. غيرونى
كنت فكرة حد تانى
كنت نسخة ملخبطة
حبة كلام ويا حبة شخبطة
هما هناك بيخططوا
ازاى يخلو اللخبطة
ويا كل الشخبطة
تبقى قصيدة مظبطة
خلوا كل الفوضى خطة
فكرة أتباعها كتير
كل واحد زيي فاكر
انو فاهم انو عارف
ان فكرو وليد دماغو
يبقى جاهل
طلعت جوة جراب
وماسكنى حاوى
اطلع لما يعوزجنابو
واما يخلص دورى
يخبينى فجرابو
اصلى لعبة فايد جنابو
هيا دى كل الحقيقة

ان تطلق كل جنونك دون ارادة
حمق مطبق
ان تكتم داخل صدرك كل شعور
جبن ايضا
ان تمضى تتربص فرصة
ألم يسعى
ان تجلس تنتظر الفكرة
لا تفعل شيئا
ساعات ايام تمضى
بل اعوام
يمضى قطار العمر
امامك
هدىء روعك خذ انفاسك
عطل عقلك شيئا شيئا
اغمض عينيك قليلا
وابحث فى داخل ذاتك
عن ذاك الحلم المفقود
حتما موجود
داخل صندوق مغلق
انت وضعته
يعلوه تراب الاعوام
لا
لاتتردد
افتح بعناية ذاك الصندوق
تجد هناك كنزك موجود
مفتاح الامل بيديك
اخرج حلمك للنور
العقل يصيح لا تفعل
الدنيا تقتل كل وليد
القلب ينادى يا حلمى
املى بك دوما معقود
ان تمسك حلمك بين يديك
اطلق كل جنونك فرسا
فى مضمار الكون يسابق
راهن بجميع الموجود
ان يغدو حلمك واقع
ذاك التغيير المنشود
ان تفشل فى تحقيق
الغاية
انتصرت ذاتك بالفعل
حين حاولت صعود

ضجيج الصمت فى راسى

يفجر كل افكارى

وانظر صوبه القمر

ألملم بعض اشعارى

وأشتاق لعنيكى

كما الرحال للوطن

وصوت كان يسكنني

فيحينى كانفاسى

ويسرى الشوق فى صدرى

كما النبض بشريانى

وابحث عنك فى الكلم

وفى الليل مع النجمات

فلا اجد سوى الصمت
وذكرى تصحب الدمعات

اكفكف دمعة الشوق

واغلق دفتر الكلمات

احبك ليه؟

احبك ليه

يا دنيا دايرة دوارة

لا ليكى حبيب ولا صاحب

ولا فرحة تدوم فيكى

وحتى الضحكة مخنوقة

قاتلها الف هم وهم 

انام واصحى لزقلى الغم

يعدى عمرى انا بكبر

تزيدى فيكى تعذيبى
واقربلك تعاندينى

اقول اهرب بفكرى ساعات

تلحقينى بكنا وفات 

وكان ممكن ومقدرتش 

وكان يمكن ومعرفتش

سنين عدت وملحقتش

حاولت كتير ومسكتش

انا قلبى اللى كان اخضر

يحب الليل عشان يسهر

بنسمة بحر كان يسكر
مع النجمات بيتسامر
يقول فى البدر اشعارو
صبح لونو حزين اصفر

واحبك ليه

وكل حاجة حبتها 

انا فيكى اخدتيها 

بعيد عنى 

طويتى الصفحة قدامى

قتلتينى قصاد منى

انا ف ساقية ومتغمى 

ما لاقى فيكى غير همى

وراجعة تانى تغرينى
سألتك تانى جاوبينى
احبك ليه؟

حبيبتى

ويبقى العقل لى موطن

وانتى لروحى المسكن

ويبقى بيننا شىء

فريد الشكل والجوهر

زهور الروض ان تزهر

ينبئ عطرها ويخبر

بان الحب ان ياسر

فنحن لحبنا نأسر

حروف العشق تجمعنا

كما النسمات تتحرر

تنير الليل ان ياتى

كنور الفجر اذ يظهر

كلام الشوق يأتينى

كنبض القلب يحينى

ارتله على القلب

اذا ما الصمت ياتينى

وانكر كل احبابى

ان صوتك ينادينى

انا انتى وعنوانى

فى عينيك يكفينى

يا بلدى

.

.

.

اقول الآه كما البركان

ما يسمعها أحد غيرى

يا ليل التوهة والحيرة

أنا صابر ما لى حيلة

ودنيا دون وبنعيشها

هيجى بس أمتى نور

أنا صابر ودا إسمى

وتاه رسمى ومالقيتو

يا ناعسة إمتى راح تصحى

تعبت فغربتى رحال

ولما أجى وأشكيلك

تبصى لدمعتى ساكتة

فشريانى جرى نيلك

وكفى ياما هد جبال

ونفسى فيكى اشوف شمسى

وفجر جديد على جبينك

أعيش فرحة فتكوينك

وأغنى ليكى مية موال

ولو مخلوق يعاديكى

يلاقينى كما النيران

ويوم الشدة أنا راجل

ولا يتقال عليا جبان

هتيجى إزاى منا ابنك 

انا طينك وانا رملك

وعمر ما غربتنى أحوال

ولما تضيق عليا الحال

اصلى وابكى وأدعيلك

يعنى المولى وأبنيلك

واشوف العزة فجبينك

انا هسكت خلاص يمة

ومستنى أشوف عيدك

بالمقلوب

يدفعنى شيئا ان اكتب
لا ادرى ماذا اكتب

لكنى اشعر انى مملوء

اشياء تريد منى ان تهرب

كمياه نهرمن شاطئيه

ترجو ان تتسرب

كبركان غضب يثور
يرجو ان يتفجر

امواج تضرب لاتهدا 

قلبى يهدر كالرعد

يعلو النبض ويصرخ 

اصوات اسمعها تهتف

داخل رأسى المتعب

ودوائر تعبث وتدور

أغباء ام منطق 

لماذا كما القطعان ندور 

لم نتوقف لحظة لنفكر

تلك اللحظة تنقذ عمرا

قد يصبح مهدور

كيف يصير؟
 ان اذبح ولدى

او اهدم بيتى

لابرهن انى المنصور 

ان احرق كل المحصول 

كى اقطف وردة

ان اتعرى 

من كل قيود المالوف
كى اتحرر

حتى اثبت انى المأمول

ان اتخبأ بالكهف لأأمن

 عضة كلب مسعور

ان امنح بقرى للثعلب 

كى لا ابنى السور

الحمق الان اضحى فكرا 

له مدرسة واصول

يا راسى المثقل بالافكار

فى هذا الكون المقلوب 

ان تشهد زور ا

قد تخرج حقا للنور

ان تقتل أمة 

قد تنقذ طفلا اعمى

ان تحبس عالم 

فستحفظ للكون علومه

ان تخنق رأيا

هذا مثال للحرية

ان تغلق فمك واذانك

فتصير القدوة المرضية

ان تصبح بوقا للحمقى

فتصير البطل المأمول

فى هذا العالم لا يمكن

الا ان اجعل راسى بالمقلوب

عنوان حزين

.

.

.

دمعة على حيط السنين

واقفة بتنده عالمجروحين

ليه النفوس اتغيرت

كارهك يا ليل الغفلانين

زاوية وجع
 ضمة بقايا سقعانين

فوق الرصيف رجلين

غطاها خرقة و كراتين

فبرد شهر اتنين

تترعش منا الايدين

فوق الرصيف مقتول ضعيف

ملقاش علاج 

علشان مفيش
مفيش حق الرغيف

ولا اهلوا كانو شبعانين

مات الضعيف بطل انين

وأخرو مرمى على الرصيف

زاوية وجع للمقهورين

راجل كبير خلف بنين

وعذاب يا قطر الغلبانين

وعشان ما يبقوا مرتاحين

شاف الشقى ذل السنين

كبروا البنين
 مهندسين ومدرسين

جريت سنين بقوا شبعانين

ونسيوا دول المحرومين

زاوية وجع للوالدين

وبنت ناس متيسرين

راجعة لبيتها بين أمنين

تخطفها ايد الغدارين

طفلة بريئة تسع سنين

قتلوها ليه السفاحين

صرخة لكل السامعين

زاوية وجع للمكلومين

جندى بطل واقف أمين

عشان مانبقى آمنين

قتلوه وقالوا دا كفر

أنا ابنى عمرو ما كفر

ومصلى صبحو ركعتين

وليه شبابو يروح هدر

وكمان يقولوا مسلمين

كافرك يا دين الغدارين

اسلامنا عمرو ما غدر

زاوية وجع للمسلمين

انا دمعتى عايزة حنين

عايزة بشر 

ناس طيبين

بنده عليكوايا مسلمين

صرخة وجع يا غفلانين

اخلاقنا راحت فين

سيرة رسولنا الامين

علموها الجاهلين 

ونصيحة منى بقولكم

طوفان على الأبواب وصل

لن يبقى فيها امنين